Maamulka degmada wanla weyn ee gobolka shabeelaha hoose ayaa ka hadlay saameynta fatahaado hor leh oo wabiga shabeelle uu ka sameeyay markii labaad deegaanno iyo tuulooyin hoostaga degmada iyo dhibaatooyinka ka dhashay fatahaadda.
Sida laga soo sheegayo deegaanno badan ayaa laga barakacay iyo sidoo kale in biyaha ay qaadeen dalagyo maadaama xilligaan lagu jiro waqtiga beerashada waxaana haatan jirta in dadka deegaanka ay soo wajahday caqabada oo ku xeeran inay ku hanti waayeen .
Gudoomiyaha degmada wanlaweyn ee gobolka shabeellaha hoose Maxamed Siidow Cabdirraxmaan ayaa sheegay in fatahaaddaan ay aad ugu xoog badantahay fatahaaddii hore wuxuuna ugu baaqay hay,addaha gargaarka ,dowlad goboleedka koofur galbeed iyo dowladda federaalka Soomaaliya inay la soo gaaraan gargaar deg deg ah.
“Waxaan dowlad goboleedka koofur galbeed iyo dowladda dhexe ka codsaneynaa inay dadkaan dhibaateysan lasoo gaaraan gar gaar bini’aadanimo maadaama ay xaaladoodu aad uliidato ayuu yiri Guddoomiye Maxamed Siidoow.
