Hay’adda Cunnada Adduunka ee Qaramada Midoobay (WFP) ayaa maanta oo Talaado ah ku dhawaaqday in 17,000 metric ton oo Raashiin gargaar ah lagu dhacay gudaha Suudaan.
Hay’adda Cunnada Adduunka ee WFP, ayaa horaantii bishan May ee sanadkan ku dhawaaqday in Raashiin loogu talagalay dadka tabaalaysan ee ku barakacay dagaalada Suudaan oo qiimahooda lagu sheegay inta u dhaxaysa 13 ilaa 14 Milyan oo Doollarka Maraykanka ah la dhacay tan iyo markii uu dagaalku qarxay.
Af-hayeen u hadlay Hay’adda WFP ayaa yiri: “ Waxa la dhacay shixnad gargaar oo gareeysa ilaa 17,000 oo tan, kuwaasi oo qaarkood bakhaarradayada Hey’adda yaallay, halka kuwa kalana ay saarnayeen baabuur, taasi oo ay sii dheertahay boobka maalinlaha ah ee lagula kaco Cunnooyin ay Hey’addu ka qeybineysa gudaha Suudaan”.
