Guddoomiyaha gobolka Galguduud Xuseen Cali Wehliye “Cirfo” ayaa faahfaahin ka bixiyay dagaal subaxnimadii hore ee maanta ka dhacay duleedka degmada Guriceel ee gobolka Galguduud.
Wareysi uu siiyay Radio Muqdisho ayuu ku sheegay in maleeshiyaad ka goostay ASWJ ay soo weerareen fariisimo ay ciidamada dowladdu ku lahaayeen duleedka Guriceel, kaddibna ay dib u laabteen markii ay ciidamadu iska caabiyeen.
Guddoomiye Cirfo ayaa sheegay in maleeshiyaadkan ay muddooyinkii la soo dhaafay ay ku sugnaayeen meel 70km u jirta degmada Guriceel. Wuxuuna ku eedeeyay inay doonayaan inay ammaanka gobolka qalqal galiyaan.
Wasiiru-dowlaha madaxtooyada Mahad Maxamed Salaad iyo saraakiil kale oo ku sugnaa degmada Dhuusamreeb ayaa gaaray degmada Guriceel, ayadoo ay imminka xaaladdu deggan yahay.
Qeybta hoose ka dhagayso wareysiga guddoomiyaha gobolka Galguduud Xuseen Cali Wehliye.
