Xaaladda magaalada Gaalkacyo ee xarunta gobolka Mudug ayaa saakay deggan, ayadoo ay wali ku sugan yihiin wafdi ka socda dowladda Dhexe oo uu hoggaaminayo R/wasaare Cumar Cabdirashiid Cali.
Maanta ayaa la filayaa in magaallada ay ka dhacaan wada-hadallo u dhaxeeya labada maamul ee Puntland ee Galmudug. Aydoo gelinka hore ee maanta uu magaallada Gaalkacyo ku wajahan yahay madaxweynaha Puntland Dr. Cabwali Maxamed Cali.
Related posts
Madaxweyneyaasha Koofur-Galbeed iyo Jubbaland ayaa sidoo kale ka mid ah masuuliyiinta ku sugan gobolka si ay uga qeyb qaataan damminta colaadda u dhaxeysa Galmudug iyo Puntland.
R/wasaare Cumar, ayaa sheegay inuusan Gaalkacyo ka soo laaban doonin ilaa laga gaaro xal nabadeed.
Madaxweynaha Soomaaliya mudane Xasan Sheekh Maxamuud ayaa nasiib darro ku tilmaamay in dhiig Soomaaliyeed uu daato, ayadoo laga baaqsan karo, dhinacyada dagaallamay ayuu ugu baaqay inay nabad ka shaqeeyaan si dadku guryahooda ugu soo laabtaan.
Ciidammada deegaanka ee Puntland iyo Galmudug ayaa ku dagaallamay magaalada Gaalkacyo dhexdeeda, halkaas oo ay ku dhinteen dad rayid ah, qaar kalena ay ka barakaceen.
