Xafladaan oo aheyd mid lagu maamuusayay xuska dhalashada Nabigeena Nabadgalyo iyo Naxariisi Korkiisa ha Ahaatee ayna soo qaban qaabisay Jameecada Masjidka Sheekh Cabdi ayaa lagu qabtay Magaalada Dhuusamareeb ee Caasimada Galmudug oo ka mid ah meelaha sanad walba xiligan oo kale sida weyn loogu maamuuso xuska mowliidka.
Intiii ay socotay munaasabadan ayay culumadu soo bandhigeen qasiidooyinka Nabi amaan ah iyagoo sidoo kale si qoto-dheer uga waramey muhiimada ay bulshada islaamka u leedahay in loo dabaaldago maalintii uu dhashey Nabigeena NNKH.
Ugu horeyn waxaa munaasabada xuska dhalashada Nabigeena ka hadley Sheekh Bashiir Sheekh Cali Sheekh Cabdi iyo Sheekh Axmed Ibraahim Jibriil waxaanay ka Sheekeeyeen muhiimada bulshada islaamka ay u leedahay wayneynta maalmaha bishan Mowliid.
Sidoo kale waxaa munaasabada wayneynta dhalashada suubaneheena ka hadley Sheekh Cabdiwali Xaaji Diiriye oo iftiimiyay sida xuska dhalashada nabigeena ugu weyntahay quluubta bulshada Soomaaliyeed.
