Madax ka tirsan dowladda Federaalka iyo kuwa Dowlad Goboleedka Galmudug ayaa xarigga ka jaray xarun cusub oo loogu talagalay in ay ku howlgalaan maamulka deegaanka Lajiidde oo ka tirsan Degmada Xeraale ee gobolka Gaalgaduud.
Xafladdaan oo ay sidoo kale ka qeybgaleen qeybaha ururada bulshada, waxaa ka hadlay Wasiiru-dowlaha Howlaha Guud Xukuumadda Federaalka Soomaaliya Mudane Bashiir Maxamed Jaamac Bashiir Goobe, Xildhibaan Mahad Cabdalla Cawad iyo Wasiirka Caafimaadka Galmudug Yaasiin Jaamac.
Guddoomiyaha Deegaanka Lajiidde Bacalwaan Cabdulle Xirsi iyo odoyaasha dhaqanka ayaa soo dhoweeeyay wafdiga, iyagoo uga warbixiyay dadaalkii loo galay xaruntaasi iyo dhismayaal kale oo ay horay looga aas aasay halkaasi.
Xaruntan waxaa hirgelinteeda iska kashaday Wasaaradda Arrimaha Gudaha Galmudug iyo Bulshada deegaanka Lajiidde.
