Maxkamada darajadaee ciidamada qalabka sida Soomaaliya, ayaa maanta u fadhiisatay dhageysiga dacwad loo heystay Xasan Xanafi Xaaji oo ka tirsanaa maleeshiyaadka looxda nabad diidka ah ee Al-shabab kaas oo ka dambeeyay dilka wariyeyaal badan oo Soomaaliyeed kuwaas oo lagu diley magaalada Muqdisho.
Guddoomiyaha maxkamadda darajada koowaad ee ciidanka qalabka sida ee Soomaaliya gaashaanle dhexe Xasan Cali Nuur Shuute, ayaa sheegay in markii ay qaadiyaasha maxkamadda ay arkeen cadeymaha la horkeenay in markhaatiyaashii ku marag furey eedeysanaha ay ku xukuntay dil toogasho ah gacan ku dhiigle, Xasan Xanafi Xaaji C/salaam.
Gaashaanle dhexe Xasan Cali Nuur Shuute, ayaa sidoo kale sheegay in Xasan Xanafi Xaaji Cabdisalaan uu ka dambeeyya dilka wariyeyaasha kala ah; Mahad Axmed Cilmi, Cali Iimaan Sharmaake, Saciid Tahliil Axmed, Mukhtaar Maxamed Hiraabe,Sheekh Nuur Abkeey ย iyo kuwo kale.
