Xawaaladaha Soomaalida ee dalka Mareykanka ayaa loo oggolaaday inay diraan lacagaha biilasha ah, kaddib sagaal maalin oo ay xayirnaayeen.
Bangiyada Mareykanka ayaa hakiyay adeeggii ay siin jireen xawaaladaha Soomaalida, tallaabadaas ayaa ka dambeysay walwal laga qabo in lacaguhu ay gacanta u galaan kooxaha xagjira ee Al-Shabaab.
Related posts
Cabdcasiis Sugulle oo ka tirsan midowga xawaaladaha Soomaalida ee dalka Mareykanka ayaa sheegay in bangiyadu ay oggolaadeen in lacagaha yaryar ee ย biilasha ah la diro, kuwaas oo ay ku tiirsan yihiin qoysas badan oo Soomaaliyeed.
“Kuliggood (Xawaaladaha) waxay ku shaqeynayaan wax kooban, lacagihii sidii hore looma dirayo laakin waxaa la dirayaa lacagaha yaryar ee biilka ah” ayuu BBC u sheegay Cabdicasiis Sugulle.
Dowladda Soomaaliya ayuu ugu baaqay inay ka shaqeyso hannaan la aamini karo oo caddeynaya qaabka ay lacagahaani ku soo gaarayaan muwaadiniinta ku sugan gudaha, ayadoo laga qeyb qaadanayo caddeynta dadka ay yihiin kuwa ka faaโiideysanaya adeeggan.
Tallaabada ay bangiyada Mareykanku ku hakiyeen adeegyadii ay siin jireen xawaaladaha Somaalida ayaa saameyn xoog leh ku yeeshay dadka Soomaaliyeed ee ku nool gudaha, kuwaas oo noloshoodu ku tiirsan tahay kaalmo ay ka heleen qurbo joogta ehelladooda ah eek u nool dalka dibaddiisa.
