Kulankan ay Xildhibaan Sacdiyo Careys Ciise Kaarshe la qaadatay qeybaha bulshada ee ka soo jeedda Jubbooyinka ee ku nool magaalada Muqdisho ayaa ah mid ku saabsan kala warqaadasho iyo warbixinno ay ka siineysay socdaal ay dhawaan ku tegtay deegaannada Jubooyinka, kaasi oo ku saabsanaa soo xulidda xildhibaannada uga mid noqonaya baarlamaanka Maamulka Jubaland iyo u kuurgelidda xaaladda guud ee bulshada ku nool halkaasi.
Xildhibaan Sacdiyo Careys oo furtay kulanka ayaa ugu horeyn waxgaradkii, aqoonyahankii iyo haweenkii kulanka ka qeyb galay u faah faahisay waxyaabihii u soo qabsoomay muddadii socdaalka ay ku jirtay, iyadoo tilmaantay in kulamo gaar gaar ah la qaadatay madaxda Maamulka Jubba oo ku saabsanaa xulidda xilhdibaannada.
Related posts
Cismaan Yuusuf iyo C/laahi Cumar Saalax oo ka mid ah waxgaradkii kulanka ka hadlay ayaa uga mahadceliyay dadaalka ay ugu jirto sidii bulshada wada degta Jubbooyinka ay u heli lahaayeen xaquuqda ay ku leeyihiin maamulka, waxaana ay ku baaqeen in Xildhibaan Sacdiyo gacan lagu siiyo howlaha loo igmaday.
Xildhibaan Sacdiyo ayaa xustay inay joogteyn doonto socdaalka ay ku tegeyso deegaannada Jubbooyinka, islamarkaana ay iminka qorsheyneyso inay markale socdaal ku tagto magaalada Kismaayo ee xarunta Gobolka Jubada Hoose, kaasi oo ku saabsan dhameystirka howlihii ay horey u soo qabatay.
