Xildhibaannada Golaha Shacabka ee Baarlamaanka Soomaaliya ayaa Maalintii Saddexaad oo xiriir ah waxa ay Xarunta Villa Hargeysa ku yeelanayaan kulamo xasaasi ah oo looga hadlayo arrimo dhowr ah.
Kulanka maanta ayaa xildhibaanadda waxaa ay kaga doodi doonaan Xeerka Matalaada Gobolka Banaadir iyo Xeerka kuraasta Goboladda Waqooyi,kaas oo ay Baarlamaanka u soo gudbiyeen Guddiga loo xilsaaray soo diyaarinta Xeerarka doorashooyinka.
Xildhibaannada Golaha Shacabka ayaa xalay lagu wargeliyay in Maanta uu kulanka uu jiro.
labadii maalmood ee la soo dhaafay ayaa Xildhibaannada Golaha Shacabka waxaa ay ka doodayeen Xeerka qoondada haweenka oo ah in Haweenka kuraastooda ay kaligood ku tartamaan,waxaana Xildhibaannada ay xeerkaas ku ansixiyeen Cod aqlabiyad leh.
