Kulanka oo ah kii 5-aad kalfadhiga 7-aad oo Xildhibaannada Golaha Shacabka ee Baarlamaanka Federaalka Soomaaliya maanta ku yeeshay xarunta KMG ee Villa Hargeysa ayaa waxaa shir guddoominayay guddoomiyaha Golaha Shacabka mudane Maxamed Mursal Sheekh Cabdiraxmaan, kaasi oo looga hadlayay dhameystirka dooda ku saabsan xeerka qoondada haweenka.
Xildhibaannada oo shalay iyo maanta dood kulul ka yeeshay xeerkan qoondada Dumarka ayaa ugu dambeyn Xildhibaannadu waxa ay cod u qaadeen meel marinta xeekan oo ay soo gudbiyeen Guddiga wadajirka ee dhameystirka Xeerarka doorashooyinka.
Related posts
Intaas kaddib Gudoomiyaha Golaha Shacabka Maxamed Mursal Sheekh Cabdiraxmaan ayaa cod galiyay xeerka qoondada Haweenka gaar ahaan in Kuraasta Dumarka aysan Rag kula tartamin, waxaana xeerkan u codeeyay in la meel mariyo oo haa ku ogolaatay 134-Xildhibaan, waxaa sidoo kale xeerkan meel marintiisa diiday 7-Xildhibaan halka ay ka aamuseen labo mudane.
โXeerka qoodanda Haweenka sida guddiga soo jeediyeen, waxaa ogol u codooyay 134, waxaa diiday 7 cod, waxaa aamusay 2 cod, sidaas daraadeed xeerkaasi sidaasi ayuu sax ku yahayโ ayuu yiri Guddoomiye Mursal Sheekh Cabdiraxmaan oo kulanka soo xiray.
