Kulankaan looga tashnay Maamul u sameynta Gobolada Hiiraan iyo Shabelaha dhexe ayaa waxaa lagu qabtay Caasimadda Soomaaliya ee Muqdisho waxaana ka qayb galay waxgarad siyaasiyiin horay Xilal uga soo qabtay Dalka iyo Mudanayaal ka tirsan Baarlamaanka Soomaaliya waxaana laga dooday sidii loo dar dar gali lahaa Sameynta Maamulkaas.
Kulanka ayaa intii uu socday waxaa ka hadlay Xubno ka tirsan Mas,uuliyiintii iyo waxgaradkii ka qayb galay waxaana ay hadaladooda intooda badan diirada ku saareeen Maamulka loo sameynayo Goboladaas labada ah qaabka uu noqonayo sida bulshada la isugu keenayo iyo in waqti dheer uusan qaadan sidii dadka daga Gobolada Hiiraan iyo Shabelaha dhexe ay Maamul aayahooda ka taliya ay u helilahaayeen,
Gaba gabada kulankaas ayaa waxaa laga soo saaray war murtiyeeed ka kooban dhowr qodob waxaana ka aqriyay madashada Wasiir hore Cali Cabdulaahi Cosoble .
Qaar ka mid ah Xildhibaanadii ka qayb galay kulankaas ayaa iyana ka hadlay Natiijada ka soo baxday kulanka maanta waxaana ay adkeeyeen qodobada ka soo baxay shirka iyaga oo ugu baaqay beelaha ku dagaalamay Gobolka Hiiraan in ay nabada qaataan.
SAWIRR QAADE :MAXAMED IBRAAHIM RAAGE
