Kormeerkaan oo ahaa mid ay ugu kuur galayeen Baahiyada dhanka adeegyada bulshada ayaa xubno ka tirsan labada Aqal ee baarlamaanka fadaraalka Soomaaliya oo wehliyeen masuuliyiin ka tirsan dowlad gobaleedka Galmudug waxa ay ku tageen deegaano hoostaga dagmada Jariiban oo ay ka mid ahaayeen, Ceeldhanaane, Buq Qalooc, Afbarwaaqo, Qorweyn iyo Dhinowda.
Deegaanka Ceel dhanaane oo ay ugu horeyn ka bilaabeen koormeerkooda ayaa waxaa ka jiray dhibaatooyin ka dhashay dabeylo ku dhuftay deegaankaasi dhawaan, kuwaa oo sababay in ay bur buraan qaar ka mida guryihii ku yaalay, Sidoo kalana ay ku aasmeen qaar ka mida guryihii halkaasi ku yaalay.
Wasiirada wasaarada Caafimaadka Galmudug Drs Naciimo Maxamed Catoosh ayaa ugu horeyn ka hadashay munaasabada xarig jarka MCH-ka Buq qalooc, waxaana ay sheegtay inay ka maamul ahaan ka shaqaynayaan sidii adeegyada bulshadu u soo gaari lahaayeen deegaankan.
Xidhibaanad Duniyo Maxamed Cali ayaa wax laga xumaado ku tilmaamtay nolasha ay ku nool yihiin Bulshada ku nool deegaanada ay booqdeen, iyadoo ugu baaqday Dowladda Fadaraalka dowlad gobaleed iyo Hay”adaha samafalku in ay u gurmadaan dadka Soomaaliyeed ee dhibaatadu heysato.
