Guddiga Joogtada ah ee Baarlamaanka Federaalka Soomaaliya, ayaa maanta kulan ay ku yeesheen Muqdisho kaga hadlay arrimo la xiriira dar-dar gelinta howlaha baarlamaanka, Ajandayaasha toddobaadka soo socda iyo arrimo kale.
Kulanka oo qaatay muddo 5 saacadood ah ayaa lagu go’aamiyay in sabtida soo socota uu qabsoomo kulanka baarlamaanka, iyo in xildhibaankii sabab la’aan maqnaada laga qaadi doono tallaabo waafaqsan xeer-hoosaadka Golaha Shacabka.
Guddoomiye ku xigeenka 2aad ee Baarlamaanka, Mudane Mahad Cabdalle Cawad , ayaa Warbaahinta Qaranka u sharraxay ajandayaasha hor yaalla Baarlamaanka.
“Waxaa runtii lasoo bandhigey in ey jiraanshuruuc badan oo yacni kolha hortaala oo maraya aqrimo kala duwan sida la dagaalanka argagaxisada oo aqranta koowaad maraya ee hindisa sharciyeedka saxaafada oo aqrinta koowaad maraya hindisa sharciyeed shaqaalaha ajnabiga ah oo aqrinta koowaad maraya hindisa sharciyeedka maxkamada dasduurka oo maraya aqrinta labaad ee hindisa shrciyeed iskaarsiinta oo maraya aqrinta koowaad hindisa sharciyeedka xuquuqul insaanka oo maraya aqrinta labaad waxaa aqrinta labaad maraya hindisa sharciyeedka iibka intaas oo hindisa sharciyeed oo runtii waxa weeye diyaar ah ee gudiga madaxa banaan eegarsoorka adeega garsoorka gudiga madaxa banaan ee xuduudaha fadaraalka iyo gudiga madaxa banaan ee doorashooyinka qaranka”
Ayuu yiri Mahad Cabdalla Cawad , Guddoomiye ku-xigeenka Baarlamaanka.
Mudane Cawad ayaa tilmaamay in uu baarlamaanka horyaallaan Mooshinno la xiriira darbiga dowladda Kenya ka dhisayso xadka ay la wadagto Soomaliya iyo dagaalka u dhexeeya dad xoolo dhaqato ah iyo Ciidanka Dowladda Degaanka Somalida Itobiga ee ka socda xadka dalka itoobiga uu la-leeyahy gobolka galgaduud .
Waxa uu yiri Mudane Cawad “Moowshikaasi xildhaabanadu waa aragti ayey kasoo diyariyeen fadhiyada soosocda ayaana laqeeybinayaa marakaseeyna sogaleeysaa ajandaha hadii alaah yiraahdo lakiin xildhibaanda weey kahadleen een moshin weey kasoo jeediyeen waana looqeeybin donaa markaasaana lagudagali doonaa sababtoo ah golaha shacabku wax walba oo shuruucda shacabka somaliyeed tabanaya waa eey kahadlaan qaraaro ayey kasoo saran , xukuumadana weey ugu yeeraan si eey ugala xisaabtamaan wixii arintaas ayada ah laga qabto arimo kale oo xaduuda somaliya iyo ethopia oo amaan daraa aad uweeyn waa eey dhacday ayadana xafiiska shir gudoonka mooshin aa kasoogaray”
Labo kulan oo ka mid ah kalfadhiga lixaad ee baarlamaanka, ayaa qabsoomi waayay ka dib markii ay soo xaadiri waayeen xildhibaannadii loo baahnaa si uu Kooramku u buuxsamo.
