Madaxweyne ku-xigeenka maamulka Ximan iyo Xeeb Cabdi Maxamed Suldaan oo maanta warbaahinta kula hadlay xafiiskiisa ayaa baaq nabadeed u soo jeediyay dhinacyada ku dagaalamaya magaalada Guriceel ee gobolka Galguduud, isagoo codsaday in khilaafka jira wada hadal lagu xaliyo.
Cabdi Kuus ayaa ka tacsiyeeyay qasaaraha naf iyo maalba leh ee halkaas ka dhacay, waxaana uu ku tilmamay wax laga murugooda oo xanuun badan in gobollada dhexe deegaan katirsan ay ku dagaalamaan dad walaalo ah islamarkaana dad shacab ah ay waxyeelo kasoo gaarto.
Related posts
Madaxwayne ku-xigeenka ayaa sheegay in ka maamul ahaan ay ka qayb qaadanayaan waan waan nabadeed oo halkaas laga bilaabo, ayna cuqaal iyo waxgaarad u dirayaan si loo hakiyo islamarkaana loo baajiyo dhiig hor leh oo ku daata magaalada Guriceel ee gobolka Galguduud.
