Xiriirka Kubada cagta Soomaaliyeed oo kaah-shanaya Wasaradda dhallinyarada iyo Cayaaraha Galmudug, xiriirka Kubada Cagta Galmudug iyo xiriirada Degmooyinka ayaa maanta Magaalada Dhuusamareeb tababar sare loogu qaadayo xirfada iyo aqoonta garsoorayaasha iyo macalimiinta uga furay 25-garsoore iyo 12-macalin oo la isaga keenay degmooyinka Galmudug.
Maxamed Nuur Maxamed guddoomiyaha ururka Sports-ka Dhuusamareeb iyo Cabdiraxmaan Geedaqoroow duqa Dhuusamareeb oo ugu horeyn ka waramay daah furka tababarka ayaa u mahad celiyay dhinacyada kaalinta ka geystay qaban-qaabada iyo qabsoomida howshan.
Xasan Axmed Shirre, Guddoomiyaha xiriirka kubada Cagta Galmudug iyo Xuseen Maxamud Jimcaale ( Abkow) Lataliyaha xaga arrimaha gobolada ee xiriirka kubada cagta Soomaaliya ayaa iyana dhallinyarada ka faa’ideysanaysa tababarka kula dardaarmay in aqoonta lasiinayo ay dib ugu soo celiyaan degmooyinka ay ka yimaadeen.
Ugu dambeyn Wasiir kuxigeenka wasaaradda Dhallinyarada iyo Cayaaraha Galmudug, mahad Cali Cibaar oo tababarka si rasmi ah u furay ayaa rajo badan ka muujiyey in diyaarinta garsoorayaasha iyo macalimiintan ay kordhin doonto hormarada lafilayo in laga gaaro soo saarista ciyarahaano wax tar u leh dalka oo dhan.
