Guddoomiyaha Xiriirka Soomaliyeed ee Kubadda Koleyga Cabdullahi Nuur Maxamed Caddaani ayaa Xalay Afur u sameeyay dhammaan Bahdii Hore ee K/Kolayga ee ku Sugnaa Wadankeena Soomaaliya gaar ahaan Caasimadiisa ee Muqdisho.
Xafladaasi oo si weyn loo soo agaasimay, waxaa Afurka kadib isku wareystay Guddoomiyaha iyo Bahdii hore ee Kubadda Koleyga, iyagoo is dhaafsaday sheekooyinkii hore ee ciyaarta Kubadda Koleyga iyo heerarkii ay soo martay.
Related posts
Dhammaan intii ka qeybgashay munaasabaddaasi ayaa waxay wada qireen in Dhallinta Soomaaliyeed ay ku wanaagsan yihiin ciyaarta Kubadda Koleyga, loona baahan yahay in la xoojiyo, lana badiyo ka qeybgallada tartamada ka dhaca Dalka gudahiisa iyo dibaddiisaba.
Ugu dambeyntii waxaa halkaasi mahadcelin iyo ammaan loogu soo jeediyay Guddoomiyaha Xiriirka Soomaaliyeed ee k/Koleyga Cabdullahi Nuur Maxamed Caddaani, iyadoo Dadkii ka qeybagalay ka mid ahaa C/qaadir Gacal Abkoow, Amb: Cabdiraxmaan Nuur Maxamed Diinaari, Xasan Maxamed Cali Xasan Tiritoor, Axmed Sheelare, Macallin kadiimba iyo kuwa kale.
