Wasiirka Wasaaradda Amniga Gudaha Xukuumadda Federaalka Soomaaliya Mudane Maxamed Sheekh Cali Doodishe oo ay wehliyaan Taliyaha Ciidanka Booliska Soomaaliyeed, Sareeye Guuto. Sulub Axmed Firin, Taliye Xigeenka Ciidanka Booliiska, Sareeye Guuto. Cusmaan Cabdulaahi Maxamed (Kaniif), Agaasimaha Guud ee Wasaaradda Amniga, Mudane. Yuusuf Cali, Taliyaha Qeybta Guud ee Booliska Gobolka Banaadir, Col. Macalin Mahadi iyo Saraakisha Howlgalka Ciiltire, ayaa kulan looga arinsanayo sugidda Amniga iyo Xasiloonidda Caasimadda iyo Nawaaxigeeda ku yeeshay xarunta Wasaaradda Amniga Gudaga JFS.
Inta uu kulanka socday ayaa la xog wareystay Saraakiisha hoggaamiinaysa howlgalka Ciiltire sidii loo adkeyn lahaa amaanka guud ee Caasimadda, gaar ahaan inta lagu guda jiro maalmaha Ciidda iyo Munasabadaha Asbuuca Xoriyadda iyo Ciidul Adxa.
