Xubnahani ka tirsan guddiga Farsamada ee maamul u sameynta gobolada Dhexe ayaa maanta gaaray magaalada Dhuusa mareebe ee xarunta maamulka gobolka Galgaduud, iyadoo si weyn loogu soo dhaweeyay magaaladaasi, waxaana la socday gudigaasi Wasiiru Dowlaha Madaxtooyada ee magacaaban Mahad Salaad.
Qaar ka mid xubnaha guddiga maamul u sameynta gobolada Galgaduud iyo Mudug oo la hadlay warbaahinta ayaa sheegay in magaaladaasi ay u tageen arrimo farsamo oo la xiriira dhisida maamulka la doonayo in loo sameeyo goboladaasi, iyagoo sheegay in ay aad ugu faraxsanyihiin soo dhaweynta loogu sameeyay halkaasi.
Related posts
Guddoomiyaha maamulka gobolka Galgaduud Xuseen Cali Wehliye Cirfo ayaa isna muujiyay sida uu ugu faraxsansanyahay howsha baaxadda leh ay wadaan guddiga maamul u sameynta gobolada dhexe oo uu sheegay in magaalada ay ka socdaan shirar dib u hishiisiin ah ayna ku biiri doonaan xubnaha gudigaasi shirarkaasi.
Mudooyinkii ugu dambeeyay ayaa gobolka Galgaduud waxaa ka socday dadaalo maamul loogu sameynayo gobolada Mudug iyo Galgaduud oo ay dowladu hormuud u tahay waxaan heer wanaagsan maraya qaban qaabada la doonayo in loo dhiso bulshada goboladaasi Maamul ay u dhanyihiin.
