Ciidamada Xooga Dalka Soomaaliya iyo kuwa daraawiishta maamulka KGS ayaa Howlgalo ka dhan ah Kooxda Argagixisada ah ee Al-Shabaab waxay ka fuliyeen deegaano ka tirsan gobolka Bay.
Howlgalkaas oo dhacay saacadihii la soo dhaafay ayey ciidamadu ka sameeyeen deegaano hoos taga degmada Bardaale ee Gobolka Bay.
Degaanka Tooswayne ee hoos taga degmada Bardaale ayaa lagu burburiyey saldhig ay ku lahaayeen Al-Shabaab, waxaana halkaas lagu dilay maleeshiyaad badan.
Mid kamid ah saraakiisha xooga dalka iyo Guddoomiyaha Bardaale Maxamed Isaaq oo ka warbixiyey howlgaladaas ayaa sheegay inay kooxda ku laayeen howlgalkaas, waxay soo bandhigeen sawirrada meydadkooda.
Sidoo kale masuuliyiintaas waxay warbaahinta Qaranka u sheegeen in howlgalkaas ay Al-Shabaab uga dileen xubno badan, uga qabsadeen degaanadii ay ku weerareen, kana furteen hub badan.
