Xubnahan ka tirsan golaha xuquuqul insaanka ee Midowga Afrika ee fadhigiisu uu yahay magaaladda Banjul ee Dalka Gambia ayaa maanta soo gaaray magaaladda Muqdisho,waxaana hogaaminayay Mss Reine Alapin Gonsou oo horey u aheyd gudoomiyihii golaha xuquuqul insaanka ee Midowga Afrika hadana ah xubin ka tirsan dadka u dhaq dhaqaaqa ilaalinta xuquuqda Afrika.
Mss Alapin Gonsou ayaa sheegtay in mudada ay ku suganyihiin magaaladda Muqdisho ayaa waxaa ay kulamo la qaadan doonaan ururada bulshada rayidka ah ee ku ka howlgala dalka gaar ahaan magaalada Muqdisho.
Xasan Shire Sheekh oo ah gudoomiyaha difaacayaasha xuquuqda aadanaha ee Bariga Afrika ayaa sheegay in magaaladda Muqdisho ay maalinta beri ah ay uga qeyb geli doonaan shir ay kasoo qeyb geli doonaan dhamaan dadka xuquuqdooda la difaaco isla markaana ay kasoo qeyb gali doonaan ururada u dooda xuquuqda aadanaha kaasoo looga hadli doono arimaha xuquuqul insaanka.
