Xubno Ka tirsan Guddiga Qaran ee Abaaraha iyo Mas’uuliyiin ka tirsan Xafiiska Ra’iisal Wasaaraha Dalka ayaa la kulmay Safiirka Turkiga u jooga Soomaaliya Hon. Mehmet Yilmaz, si ay u dabagalaan baaqii degdega ahaa ee uu Ra’iisul Wasaaruhu Bishii November 24, 2021 u jeediyay Deeq bixiyayaasha Caalamka, saaxiibada Soomaaliya iyo Hay’adaha ka shaqeeya gargaarka beni’aadannimo.
Guddida abaaraha ee heer Qaran ayaa waxay safiirka horgeeyeen warbixin xaalada abaaraha la xiriirta oo muujinaysa xaaladda degdega ah ee abaaraha, waxaana loogu mahadceliyey dowladda Turkiga taageerada joogtada ah ee ay la garab taaganyihiin dowladda iyo shacabka Soomaaliyeed.
