Xulka Ivory Costa ayaa ku guuleystay koobka qaramada afrika ee sanadka 2015-ka,ka dib markii rigoorayaal 9-8 ah uu uga qaaday xulka Ghana.
Xulalka Ivory Coast iyo Ghana ayaa ku ciyaaray garoonka Estadio de Bata oo ammaankiisa si aad ah loo adkeeyay.
Ciyaarta inta aysan bilaaban ayaa waxaa la sameeyay xafladii xiritaanka ee koobka qaramada afrika oo soo bilowday 17-kii bishii January ee sanadkan 2015.
Labada Xul ayaana wax gool ah iska dhalin 90-kii daqiiqo ee ciyaarta loogu tala galay,waxaana lagu daray 30-daqiiqo oo dheeraad ah.
Labada kooxood ayaa isku mari waayay waqtigii dheeriga ahaa ee lagu daray ciyaarta,waxaana lagu kala baxay gool ku laad ama rigoorayaaal.
Labadan xul ayaa finalkii sanadkii 1992-dii isugu haray ciyaartii kama dambeysta aheyd ee koobka qaramada afrika,waxana ku guuleystay xulka Ivory Coast.
Labada xul ayaa min labo rigoore iska qasaariyay shantii tuurasho ee ugu horeeysay.
Gool-hayaha xulka Ivory Coast Boubacar Barry ayaa laaday rigoordaa u dambeysay uu xulkiisa mudo 23-sano ka dib uu ku qaaday koobka qaramada afrika.
Xulka Ivory Coast oo lagu naaneyso maroodiyaasha ayaa rigoorayaal 9 ah ku qaaday koobka qaramada afrika,halka xulka Ghana uu dhaliyay sideed rigoore.
Xulka Ivory Coast ayaa ku guuleystay koobkii ugu horeeyay ee qaramada afrka ilaa sanadkii 1992-dii.halka xulka Ghana uusan ku guuleysan koobka qaramada afrika ilaa sanadkii 1982-dii.
