Kooxda Athletic Bilbao ayaa waxaa garoonkeeda San Mamés 2-5 uga badiyay kooxda Barcelona.
Kooxda Barcelona ayaa waxaa qeybtii hore ee ciyaarta labo gool u kala dhaliyay ciyaaryahanada kala ah Lionel Messi iyo Luis Suarez,sidasi ayaana lagu kala nastay qeybtii hore ee ciyaarta.
Ciyaaryahan Oscar de Marcos ayaa qeybtii danbe ee ciyaarta goolka sedaxaad ka dhaliyay kooxdiisa Athletic Bilbao.
Ciyaaryahan Neymar ayaa goolka afaraad u dhaliyay kooxda Barcelona.
Kooxda Athletic Bilbao ayaa waxaa labada gool u kala dhaliyay ciyaaryahanada kala ah Mikel Rico iyo Aritz Aduriz.
Garsoorihii ciyaarta Antonio Mateu ayaa Ciyaaryahan Xabier Etxeita kaarka casaanka ah u taagay kooxda Athletic Bilbao.
Ciyaaryahan Pedro Rodriguez ayaa dhamaadkii ciyaarta goolka shaanad u dhaliyay kooxda Barcelona.
Kooxda Barcelona ayaa hal dhibic u soo jirsatay kooxda Real Madrid oo hogaamineysa horyaalka Spain ee La Liga,waxana ay leedahay 53-dhibcood,halka kooxda Athletic Bilbao ay horyaalka uga jirto kaalinta 13-aad,iyadoo leh 23-dhibcood.
