Munaasabaddan oo aheyd mid lagu maamusayay xuska dhalashada Xabiibkeenna Muxammad NNKH ayaa lagu qabtay Masjiddu Raxma oo ku yaalla xaaafadda Islii ee magaalada Nairobi.
Munaasabadda ayaa waxaa soo qaban qaban qaabiyay culimaa’udiinka Ahlu Sunna Wal Jamaaca ee ku nool magaalada Nairobi ee xarunta dalka Kenya, waxaana ka qeybgalay qaar kamid ah culimada ASWJ iyo dad kale oo aad u fara badan.
Related posts
Sheekh Feysal Cigaal Qeyliye oo ah Imaamka Masjiddu Raxma iyo Shariif Maxamed Shariif Cabdifitaax oo isna ah Imaamka Masjidka Al Xaaq Plaza iyo culimada ASWJ ayaa ka sheekeeyay muhiimadda ay leedahay xuska dhalashada Nabigeenna Muxammad NNKH, iyo in bulshada islaamka looga baahanyahay weyneynta maalintan oo kale.
Culimaa’udiinka Ahlu Sunna Wal Jamaaca ee ku nool dalka Kenya ayaa sanad walba marka la gaaro 12-ka Bisha Mowliid oo ah xilliga uu dhashay Nabigeenna Muxammad NNKH waxa ay si weyn u maamuusaan dhalashada nabi Muxammad NNKH, iyagoo ka sheekeeya taariikhda iyo ahmiyadda ay u leedaha Ummadda Musliniinta meelkasta oo ay dunida ka joogaan.
