Munaasabadaan lagu weyneynayay dhalasha Nabigeenna Muxamad (NNKH) oo ay ka qeyb galeen Culimaa’udiin, mashaa’id caan ka ah gudaha dalka iyo mas’uuliyiin ka socotay culimaa’udiinka Ahlu sunna Waljamaaca, ayaa maanta lagu qabtay Mowlaca Qaliif Axmadeey degmada Warta Nabadda ee gobolka Banaadir.
Sheekh Maxamed Cabdullaahi iyo Sheekh Maxamed Cabdiraxmaan oo ka mid ah culimamadii ka qeyb gashay xuska ayaa ka shekeeyay taariikhda dhalashada Nabigeenna Muxamed (NNKH), iyagoo bulshada ugu baaqay inay u istaagaan weyneynta bisha mowliid oo ah bishii u dhashay Nabigeena, isla markaana ay isu gurmadaan Ummadda Soomaaliyeed.
Sheekh Axmed Sheekh Aadan Dheere oo ka mid ah culimada Ahlu sunna Waljamaaca ayaa sheegay in ay nasiib darro tahay in dhalinyaro Soomaaliyeed oo la qalday in ay ka been sheegaan diinta Islaamka, isagoo uga mahadceliyay culimadii soo agaasintay xuska dhalashada Nabigeena Muxamed (NNKH).
Maalmihii ugu dambeeyay ayaa gudaha dalka iyo dibadiisa lagu qabanayay munaasabado lagu weyneynayay dhalashada Nabigeena Muxamed (NNKH)
