Wasiirka Wasaaradda Caafimaadka iyo daryeelka bulshada Xukuumadda Federaalka Soomaaliya H.E Dr. Ali Haji Adam, ayaa ka qeyb galey Munaasabadda Xuska maalinta Caalamiga ah ee dabargoynta Dabeysha oo sanad kasta maanta oo kale laga xuso Dunida oo dhan.
Munaasabadda Xuska Maalinta Caalamiga ah ee dabargoynta Cudurka Dabeysha waxaa kasoo qeyb galey Agaasimayaal, madax qeybeedyo iyo xubna sare oo ka socdey Wasaaradda Caafimaadka xubno ka socdey Hey’adaha Caalamiga ah ee Unicef iyo WHO, Ururka Dhakhaatiirta Soomaaliyeed, Dhakhaatiir iyo marti sharaf kale.
Related posts
Munaasabadda ayaa looga hadley ahmiyadda uu lee yahay Tallaalka in la siiyo Carruurta Soomaaliyeed waalidiinta Soomaaliyeed ay ku dhiiradaan in Carruurtooda ay siiyaan Tallaalka si goor horeba looga sii fakaro mustaqbalka Caafimaad ee Caruurta Soomaaliyeed maadaama uu Cudurka dabeysha yahay mid u baahan ka hortag.
Wasiirka Wasaaradda Caafimaadka iyo daryeelka bulshada Xukuumadda Federaalka Soomaaliya Dr Ali Haji Aden, ayaa ugu baaqey waalidiinta Soomaaliyeed in ay fahmaan fariimaha Caafimaad ee ka imaanaya Wasaaradda Caafimaadka ee la xiriir Caafimaadka Caruurtooda iydoo si gaar ahna ay muhiim tahay in la fahmo waxtarkan Tallaalka.
Wasaaradda Caafimaadka iyo daryeelka bulshada Xukuumadda Federaalka Soomaaliya waxaa ka go’an sare u qaadida wacyiga Caafimaadka iyo in bulshada Soomaaliyeed hellaan Caafimaad diyaarsan oo dhan kasta si gaar ah Wasaaraddu waxay ku baaqeysaa in Caruurta ka siiyo Tallaalka.
