Wasiirka Arrimaha Gudaha, Federaalka iyo Dib u heshiisiinta XFS mudane Cali Yuusuf Cali Xoosh ayaa maanta Muqdisho uga qeybgalay xuska maalinta caalamiga ee Qaxootiga.
Kulankan oo ay sidoo kale goobjoog ka ahaayeen Wasiirro iyo masโuuliyiin kale oo ka tirsan Xukuumadda Soomaaliya, heyโadda qaxootiga Adduunka ee UNHCR, qeybaha bulshada, qaxootiga iyo magangalyo-doonka iyo sidoo kale madaxda iyo howlwadeennada NCRI ayaa waxaa ay qaxootiga jooga dalka ay kusoo bandhigeen hiddo, dhaqan iyo howlo farsamo.
Related posts
Dhankiisa, khudbad uu munaasabadda kajeediyey Wasiirka Arrimaha Gudaha, Federaalka iyo Dib u heshiisiinta XFS ayaa ugu horreyn ka hadlay qiimaha maalintan isaga oo yiri โSanadkasta 20-ka Juun waxaa dunida oo dhan laga xusaa maalinta Qaxootiga Adduunka si kor loogu qaado wacygelinta la xiriirta dhibaatooyinka heysta dadka qaxootiga ah iyo in bulshooyinka ay la noolyihiin lagu dhiirigeliyo in ay soo dhoweeyaan, ayna aqbalaan, isla markaana dalalku ka wada shaqeeyaan in loo helo xalwaara maadaama arrimaha qaxootigu uu noqday arrin heer caalimi ah oo u baahan in si wadajir ah wax looga qabtoโ
โSoomaaliya taariikh ahaan waxaa lagu yaqaan martigelinta iyo ilaalinta xuquuqda qaxootiga iyo magangalyo-doonka, si hiddahaasi u socdana, maanta waxaan martigelinnaa, oo qaxooti iyo magangalyodoon ahaan dalka ku sugan in ka badan soddon iyo shan kun (35,000)โ ayuu intaas raaciyey.
Wasiir Cali Xoosh ayaa ka hadlay sida Dowladda Soomaaliya ay u daneyneyso qaxootiga iyo xuquuqdooda โDalkeennu, tallaabooyinka xal u helidda qaxootiga waxaa qeyb ka ah inuu dhaqangal yahay sharciga Qaxootiga, kaas oo dhowraya dhammaan xuquuqda Qaxootiga ku nool dalka, sidoo kalena siinaya hannaan sharciyadeed oo ay ugu noolaan karaan Soomaaliya si xor ahโ
Ugu dambeyn, waxaa uu bogaadiyey madaxda iyo howlwadeennada Hay’adada Qaxootiga Qaranka oo uu ugu baaqay caalamka in Soomaaliga lagu taageero howlahan
“Hayโadda Qaxootiga iyo Barakacayaasha Qaranka (NCRI) ayaa ah heyโadda dowladda Soomaaliya u wakiilatay howlahan, shaqo fiican ayay ka qabatay diiwaangelinta qaxootiga, meeleyntooda iyo u helidda fursado ay ku hormariyaan noloshooda iyo midda qoyskooda, waana ku ammaanayaa madaxda iyo shaqaalahabaโ.ayuu yiri Wasiir Cali Xoosh.
