Maanta oo ku began 3-da May waxaa dalalka caalamka oo dhan ay u dabbaaldegayaan xuska maalinta xoriyadda saxaafadda oo ah maalin loogu talagalay in lagu muujiyo kaalinta saxafiga iyo xaqaย ay u leeyihiin in cid kasta ay gacan ku siiso habsami u socodka howlaha warbaahinta iyo guud ahaan badqabka qeybaha shaqalaha ee ururada saxaafadda.
3-da May waa maalin caalami ah oo loo aqoonsaday xoriyadda saxaafadda ,iyadoo la eegayo baaqa Qaramada Midoobay ee Xuquuqulย Insaanka,gaar ahaan qodobka 19-aadย ee soo baxay 1948-dii,kaas oo dhigaya ilaalinta xaqa ay dadku u leeyihiin Xorriyatul-qawlka.
Related posts
Ujeedka guud ee xuskaan ayaa ah sidii kor loogu qaadi lahaa wacyiga ku saabsan muhiimadda xorriyadda saxaafadda iyo in dawladaha la xasuusiyo waajibaadka ka saaran dhawrista iyo ixtiraamka saxaafiyiinta.
Iyadoo laga ambaqaadayo kaalinta dowladaha ee ay ku leetihiin badqabka saxaafiga, sanad kasta waxaa la qabtaa shir ay soo abaabulaan heyโadda UNESCO ee Qaramada Midoobay ,kaas oo looga hadlo qodobo la xiriira xorriyadda saxaafadda, gaat ahaan maamul-wanaagga, , isla xisaabtan laโaanta iyo doorka warbaahinta ay ku leeyihiin ย la shaqeynta dalalka ka soo kabanaya colaadaha.
Saxaafadda Soomaaliya
Dalka Soomaaliya waxa uu ka mid yahay wadamada maanta u dabbaaldegay xuska maalinta xoriyadda saxaafadda oo mabdโa ahaan ka dhigan in si wadajir ah codka iyo raโyiga loogu gudbiyo nuucyada warbaahinta wax daabaca iyo kuwa kale ee elektarooniga ah.
Xoriyadda Saxaafadda iyo Dawladdii Rayadka
Xilligaan waxaa jiray saxaafad xor ah oo shaqeysa ,ka hor ย dhismihii dowladii rayidka ee looga dhawaaqay dalka Soomaaliya sanadkii 1960-kii.
Maamulkaasi,waxa ay ku guuleysteen In la madax banneeyo xoriyadda hadalka iyo howsha saxaafadda, arintaasina waxa ay sababtay in ay kordhaan tirada wargeysyada ka soo baxa dalka, ee ku qornaa luqadaha Carabiga, Ingriiska iyo Talyaaniga .
Xoriyadda Saxaafadda iyo Dowladdii Miletariga
1969-kii,waxaa lagu tilmaamaa in uu ahaa bilowgii dib u dhaca saxaafadda Soomaaliya iyo niyadjabkii suxuufiyiinta, ka dib markii ciidamadii qabsaday dalka ay xireen xarumihii wargaysyada,isla markaana ay mamnuuceen xoriyadda hadalka.
Inkastoo saxaafadda xilligaasi ay aheyd mid hoostagta dowladii kacaanka ee Soomaaliya ,waxaa haddana,qeybaha saxaafadda ay gaareen ama ku tallaabsadeen horumar wanaagsan oo la taaban karo.
Xoriyadda saxaafadda iyo xilligaan
ย Burburkiii Soomaaliya ee ka dhacay gudaha dalka,kadib,waxaa sanadkii 1999-kii la bilaabay dhismaha xarumo Wargeys, Idaacado iyo Telefishinno madax bannan,kuwaas oo taabagalinteeda ay lahaayeen ganacsato iyo aqoonyahanno kale oo doorbiday in ay wax ka baddalaan qaab dhismeed warbaahinta dalka.
Labaatankii ย sano ee u dambeeyay warbaahinta dunida ย waxay ku tallaabsatayย horumar ballaaran,kadib kolkii,isbadallo horumarsan lagu soo kordhiyay qalabka loo adeegsado saxaafadda,taasina waxa ay dhiirigalisayย in uu xoogaysto tartanka ganacsi eeย dhanka warbaahinta ah.
Xuska munaasabaddaan,waa mid loogu talagalay in lagu eego horumarka wanaagsan ee ay ku tallaabsadeen suxuufiyiinta iyo guulaha wax ku oolka ah ee ay ka soo hooyeen meelmarinta nidaamka shaqo ee ay u hayaan bulshada.
Saxaafadda waa muraayad laga ย daawado horumarka dalka,sidaad daraadeed, warbaahinta Soomaaliya ee ka howlgasha gudaha,waxaa sanadihii u dambeeyay ay ka qeybgaleen dadaalada hordhaca ah ee loo galay geedi socodka nabadda ,dhismaha dalka iyo rajo soo celinta umadda.
Horumarka wanaagsan ee xilligaan ka muuqda ย saxaafadda Soomaaliya, ,waxa uu saaciday in bulshada Soomaaliya, ay heleen saxaafad xor ah oo ay ku gudbin karaan fikradaha isdiidan,kuwa wax dhisaya iyo kuwa kale ee lagu dhaliilo madaxda iyo hogaamiyaasha dalka.
ย In lagu shaqeeyo dhexdhexaadnimo waa sida kaliya ee lagu ilaalin karo xoriyadda saxaafadda,waxaana waajib ah in Suxuufiga waxa uu gudbinaayo uu ku eego isha dhabta ah,si meesha looga saaro is-qabqabsi iyo hoos uย dhac kale oo wiiqa shaqadii warbaahinta .
Ogoow saxaafaddu waaย adeeg loo isticmaali karoย laba waji ,cid ayaad ku dulmin kartaa, marna wax ayaad ku dhisi kartaa ,sidaa aawadeed.haย ku sifoobin ย aalad ay adeegsadaan dadka fidno abuurka ah ee u taagan fulinta dano ย gaar ah iyo kuwo shisheeye.
Isku day in aad u hiiliso cid kasta o u taagan dhismaha dowlad xilkeedu yahay soo celinta amniga iyo karaamadii ay lahaayeen dadka iyo dalka,kana fogoowย ย in aad qeyb ka noqoto hardanka siyaasadeed ee u dhaxeeya madaxda ama dhinacyada kale ee ishaya.
Si loo gaaro xoriyad buuxda oo dhanka saxaafadda ah,waxaa lama huraan ah in dowladda iyo madaxda shirkadaha warbaahinta ay u howlgalaan sidii tababarro aqoon kororsi ah loo siin lahaa shaqaalaha qeybaha warbaahinta.
Anagoo ka faaโideysaneya fursadda munaaasabaddaan ,waxaan halkaanย dhambaal hambalyo ah oo ku aadan xuska mmaalinta xoriyadda Saxaafadda Dunida,aawgeed, u direynaa suxuufiyiinta caalamka,gaar ahaan shaqaalaha Soomaaliyeed ee ka howlgala qeybaha warbaahinta dalka.
Gabagabadii,waxaan u rajeyneynaa shaqaalaha iyo maamulada qeybaha Saxaafadda in ay halkaasi ka sii wadaan howlaha culus ee ay u hayaan umadda.
Shire Xasan Kulmiye
