Munaasabadda xuska Maalinta Caalamiga ah ee isku furanka Adduunka ayaa waxaa ka qeyb galey Xildhibaanno ka tirsan Baarlamaanka Federaalka Soomaaliya, Agaasime waaxeedyada Wasaaradda Caafimaadka iyo daryeelka bulshada Xukuumadda Federaalka Soomaaliya, , Madaxda sare ee Hey’adda UNFPA Soomaaliya, xubno kale oo ka socdey Hey’adaha Caalamiga ah ee taageera Caafimaadka Soomaaliya, Dhakhaatiir iyo Xubno kale.
Munaasabadda oo ay soo qaban qaabisey Wasaaradda Caafimaadka iyo daryeelka bulshada Xukuumadda Federaalka Soomaaliya gaar ahaan Waaxdeeda Caafimaadka Qoyska ayaa waxaa furey Agaasimaha Waaxada Caafimaadka Qoyska Dr. Mustafa Cawil Jaamac.
Munaasabadda Xuska maalinta Caalamiga ah ee Isku-furanka waxaa looga hadlaa sidii wax looga qaban lahaa xaaladdan oo ah mid dhibaato ba’an ku heysa haween waynaha Adduunka, waxaana munaasanaddan lagu soo bandhigey sidii loogu gudbi lahaa xaaladdan oo ay la dhibtoonayaan haween fara badan oo Soomaaliyeed.
