Wasiirka Maaliyadda Xukumadda Federaalka Soomaaliya Mudane Biixi Imaan Cige ayaa maanta kulan muhiim ah waxa uu xarunta Wasaaradda Maaliyadda kula qaatay Wakiilka Gaarka ah ee Xoghayaha Guud ee Qaramada Midoobay ee Soomaaliya James Swan iyo xubno sare oo ka tirsan xafiiska UN-ka ee Soomaaliya.
Kulanka ayaa intii uu socday waxaa diiradda lagu saaray horumarka dhaqaalaha guud ee dalka, dadaaladda Dowladda ee ku aadan dib-u-habeynta hannaanka maamulka Maaliyadda iyo xasilinta dhaqaalaha oo saldhig uu u yahay sare u qaadidda dakhliga gudaha oo mudnaan gaar ah u leh Dowladda Soomaaliya.
