Deeqdan raashinka oo Wasaaradda Arrimaha gudaha iyo saraakiil ka socotay saldanadda Cumaan ay u qeybiyeen in ka badan 1,500 qoys oo ku nool degmooyinka Kaaraan, Shibis, Heliwaa iyo Yaaqshiid ayaa qoyskiiba waxaa la siiyay raashin ka kooban bur, bariis, baasto, sonkor, saliid, digir iyo timir, si ay ugu maareeyaan noloshooda.
Guddoomiyeyaasha degmooyinka Kaaraan, Shibis, Heliwaa iyo Yaaqshiid oo ka hadlay kaalmada la gaarsiiyay ayaa ugu horeyn mahadcelin u jeediyay Wasaaradda Arrimaha gudaha iyo Saldanadda Cumaan, sida ay u garab taaganyihiin shacabka Soomaaliyeed, iyagoo xusay in kaalmada ay ku soo aaday xilli loo baahnaa.
โAlle ayaa na waafajiyay in afar boqol oo qoys oo ka mid ah bulshada degan degmada Kaaraan in ay hesho muwaacino ka soo gaartay saldanada Cumaan, waxaan u mahadcelineynaa Walaalaheen Cumaan iyo Wasaaradda arrimaha gudaha oo barnaamijkan na soo gaarsiisayโ. Ayay sheegeen.
Madaxa Xiriirka degmooyinka iyo tirikoobka ee Wasaaradda Arrimaha gudaha Cabdullaahi Xuseen Xasan (Fanax) ayaa sheegay in deeqdan ay tahay mid saldanadda Cuman ay ugu talagashay in la gaarsiiyo dadka tabaaleysan, isagoo xusay inay si nabad ah ku soo idlaatay qeybinta raashinka.
โWaxaa Alle Mahadiisa ah in barnaamijkii saaka noo bilowday ee ahaa, qeybinta gar gaarka afurinta ee dowladda Cumaan noogu deeqday, Wasaaradda Arrimaha gudahana ka bixineysay gobolka Banaadir, in uu si nabad ah ku soo dhamaadayโ ayuu yiri Fanax.
Madaxa Hayโadaha samafalka ee Wasaaradda Arrimaha gudaha Cabdullaahi Ibraahim Saalax oo ugu dambeyntii hadal kooban jeediyay ayaa sheegay in deeqdan ay tahay mid walaalaha Cumaan ay ugu talagaleen in lagu afuriyo qoysaska, isla markaana ay sii wadayaan qeybinta raashinka.
โWaxaan rabnaa, barnaamijkan waa barnaamijkii saaka noo soo bilowday, waxa uu ku soo gabo gaboobay jawi degan, saaka waxa uu ka soo bilowday Degmada Kaaraan, Shibis, Heliwaa iyo Yaaqshiid, waxaan rajeynayaa in degmooyinka ay si nabad ah noogu dhamaaday, degmooyinka kale, sidan ayaa looga qeybin doonaa, ,maanta oo 22-ka bisha ayay bilaabatay, ilaa iyo arbacada ayay socon doontaaโ ayuu yiri Cabdullaahi Ibraahim Saalax
Saldanayada Cumaan waxa ay sanadkasta xilligan oo kale raashin u qeybisaa qoysaska ku nool degmooyinka gobolka banaadir, iyada oo u marsiineysa Wasaradda Arrimaha gudaha iyo Federaalka.
