RADIO MUQDISHO(SHABEELLADA DHEXE)ย Afhayeenka Wasaaradda Gaashaandhigga, Sheekh Abuukar, ayaa dardaaran adag u jeediyay ciidamo ka tirsan Gor Gor Xoogga Dalka Soomaaliyeed ee ku sugan degmada Raage Ceelle ee gobolka Shabeellada Dhexe.
Afhayeenka ayaa si gaar ah ula kulmay saraakiisha iyo ciidamada Ururka 10-aad ee Guutada 18aad Kumaandooska Gor-Gor ee Ciidanka Xoogga Dalka Soomaaliyeed, isagoo halkaa uga jeediyay wacdi iyo waano ku aadan, sidii ay ciidanku ugu sii dhiirran lahaayeen dagaalka ka dhanka ah Khawaarijta iyo argagixisada Daacish.
Waxa uu sheegay in ay tahay xilligii lasoo afjari lahaa dagaalka Khawaarijtana dalka laga sifeyn lahaa. Sidoo kalena la joogo waqtigii la oofin lahaa ballan qaadyadii ciidanka ee Soomaaliya oo nabad ah,lana baratanta dalalka dhiggeeda ah.
