War saxaafadeed 21 January 2015:
War saxaafadeed ka soo baxay xafiiska ururka haweenka suxufiiyiinta Soomaaliyeed ayaa si weyn loogu soo dhaweeyay maalinta saxaafadda Soomaaliya oo ku beegan 21 January 2015.
Sanad kasta 21 Janaayo waxaa loo dabaal dagaa maalinta saxaafadda Soomaaliya ,ururka haweenka suxufiyiinta Soomaaliyeed sanadkani waxa uu ugu dabaal dagayaa maalinta saxaafadda Soomaaliyeed in uu shaaca ka dhigo dhibaatooyinkii saxaafada ku dhacay sanadkii 2014 kii .
Related posts
War-saxaafadeedkan waxa aan ku cadeynaynaa in saxaafada Soomaaliyeed ay yihiin kuwa dhinac kasta uu dhib ka heysto ,taasina ey sabab u tahay dalka oo mudo ku dhaw rubuc qarni ku jira dhibaantooyin ay amni daro qeyb ka tahay.
Sanadkii 2014 waxa uu ahaa sanad saxaafada murugo iyo farxadba ay la kumeen wallow sanado badan oo la soo dhaafey ay yaro dhaamaan ,
Waxaa siyaabo kala duwan loo dilay suxufiyiin ka howlgala idaacadaha ku yaalla dalka Soomaaliya, waxaa siyaabo kala duwan u dhaawacmay wariyaal ka howlgala warbaahinta ka shaqeysa Soomaaliya ,waxa laga xusi karaa Agaasimaha Qeybta Muqdisho ee Television Somali Channel ,C/risaaq Black iyo kuwa kale .waxaa xabsi la dhigay suxufiyiin iyo maamulayaal idaacadeed, kaddib markii lagu eedeeyay in qal qal amni abuureen.
Guulihii la gaaray waxaa ka mid ahaa in sharcigii saxaafadda ee dowladda iyo warbaahinta kala hagi lahaa meel wanaagsan la gaarsiiyay, iyo in haween badan oo suxufiyiin ah ay wax ku yeesheen miiska goโaan gaarista talada warbaahinta, Warsaxaafadeedka waxa aan ku soo gunaanudeenaa in dowladda ay si wanaagsan ula dhaqanto saxaafadda, warfidiyeenadana ay noqdaan kuwa dareema masโuuliyada dalka iyo dadka ka saran oo wax ay bulshada u tebinaayaan ay ka eegaan dhanka horumarka dalka.
—DHAMAAAD—-
