Madaxweynaha Dalka Turkiga Recep Tayyip Erdoğan iyo wafdigii uu hogaaminayay ayaa ka dhoofay garoonka diyaaradaha Aadan Cadde ee magaalada Muqdisho.
Wafdiga Madaxweyne Erdoğan ayaa waxaa garoonka diyaaradaha Aadan Cade ku sii sagootiyay Madaxweynaha Jamhuuriyadda Federaalka ah ee Soomaaliya Mudane Xasan Sheekh Maxamuud iyo madax kale oo ka tirsan dowladda.
Madaxweynaha Dalka Turkiga ayaa intii ay socdaalka halka maalin qaatay ku joogeen caasimadda waxa uu xariga ka jaray Terminal-ka garoonka Diyaaradaha Aadan Cadde ay ka dhiseen dowladda Turkiga iyo Isbitaalka digfeer oo ay ku sameeyeen dib u dhis iyo qalabeyn casri ah, iyadoo isla isbitaalka loogu magacdaray Madaxweynaha Dalka Turkiga Recep Tayyip Erdoğan.
Sidoo kale waxa ay Labada dowladood kala saxiixdeen mashaariic horumarineed oo laga hirgelin doono caasimadda, waxaana ay si nabadgelyo ah ugu laabteen dalka Turkiga.
