Kooxo hubaysan ayaa xalay magaalada Beydhabo ku dilay Ugu Sheekh Xuseen Xasan oo loo yaqaanay Soor ma dare, kaas oo ka mid ah culimada degaanka.
Wariyaheena magaalada Beydhabo Siraaji Sheekh Isaaq ayaa ku soo warramaya in kooxo hubeysan ay ku dileen sheekha gudaha masjidka intii lagu jiray salaadda cishaha oo uu dadka tushiyay.
“Sheekhu wuxuu ku jiray meesha imaamka, oo salaadda ayuu dadka ka bixinayay, kaddib waa la togtay, waana argagaxeen dadkii” ayuu yiri mid ka mid ah dadkii salaadda wax ka tukanayay.
Xaafadda Bardaale ee magaalada Beydhabo ayuu ka dhacay dilkan, waana sheekhii labaad ee magaalada lagu dilo muddo bil gudaheed ah.
Sheekh Xuseen Xasan, ayaa can ku ahaa dib u heshiintaa dadka iyo xallinta khilaafaadka beelaha u dhaxeeya.
