Wareega labaad ee koobka naadiyada yurub ee Champions League-ga ayaa xalay dib u biloowday,ka dib ku dhawaad labo bilood oo uu hakad ku jiray.
Kooxda Paris Saint Germain ee dalka faransiiska ayaa xalay lugtii koowaad ee koobka Champions League-ga garoonkeeda Parc des Princes waxa ay ku marti galisay kooxda Chelsea oo ka socotay dalka ingiriiska.
Labada kooxood ayaa sanadkii hore ku kulmay wareega labaad ee koobka Champions League-ga,waxana farqi dhanka goolasha ah ku soo baxday kooxda Chelsea.
Kooxda Chelsea ayaa goolka la hor martay,waxana kubad labo ciyaaryahan oo daafaca uga ciyaarta kooxda Chelsea ay isku dhiibteen waxaa daqiiadii 36-aad ee eybtii hore ee ciyaarta shabaqa kooxda PSG ku hubsaday ciyaaryahan Branislav Ivanovic oo isna daafaca ka ciyaara,sidasi ayaana lagu kala nastay qeybtii hore ee ciyaarta.
Markii la isku laabtay qeybtii labaad ayaa ciyaaryahanada kooxda PSG waxa ay weerar culus ku soo aadeen goolka kooxda Chelsea,waxaana bilowgii eybtii labaad ee ciyaarta goolka bareejada u dhaliyay kooxda PSG ciyaaryahan Edinson Cavani oo weerarka ka ciyaara.
Gool-hayaha kooxda Chelsea Thibaut Courtois ayaa ciyaaryahanada kooxda PSG ka badbaadiyay fursado dhowr ah oo gool loo filan karay.
Kooxda Shakhtar Donetsk ayaa lugtii koowaad ee koobka Champions League-ga garoonka Arena Lviv barbardhac 0-0 ah kula gashay kooxda Bayern Munich.
Kooxda Shakhtar ayaa kulamadeeda ku ciyaarto magaalada Lviv maadaama magaalada ay ka dhisantahay ee Shakhtar ay dagaalo ka socdaan,islamarkaana waxyeelo ay gaartay garoonkii ay ku ciyaari jirtay ee Donbass Arena.
Ciyaaryahan Xabi Alonso oo xalay saftay kulankiisii 100-aad ee koobka Champions League-ga ayaa dhamaadkii ciyaarta waxaa kaarka casaanka ah u taagay garsoorihii ciyaarta Alberto Undiano oo u dhashay dalka Spain.
Kooxda Schalke 04 oo ka ciyaarta horyaalka Jarmalka ayaa caawo garoonkeeda Veltins-Arena kula ciyaareyso kooxda Real Madrid oo hogaamineyso horyaalka Spain ee La Liga.
Kooxda FC Basel oo ka ciyaarta horyaalka dalka Switzerland waxa ay sidoo kale caawo garoonkeeda St. Jakob-Park kooxda FC Porto oo ka ciyaarta horyaalka dalka Portugal.
