Mudo 25 sanno ka dib ah ayaa waxaa dib loo howlgaliyay Isbitaalkii Forlaniini ama laansareeti oo ku yaala Degmada Cabdi casiis ee Gobolka Banaadir qaybtii qaabilsaneed Cudurada Dhimirka waxaana Dayactir ku sameeyay qaybtaas oo maanta uu xariga ka jaray wasiir ku xigeeenka wasaaradda Caafimaadka Soomaaliya Shirkada Dahabshiil oo ka mid ah Shirkadaha ganacsiga ee dalka ka jira.
Mudane Cusmaan Maxamed Cabdi Daalo Wasiir ku xigeenka Caafimaadka Xukuumadda Soomaaliya oo ay wehliyaan mas,uuliyiin kale oo ka tirsan wasaaradaas ayaa waxaa ay ku soo wareeegeeen qaybaha uu ka koobanyahay isbitaalka waxaana warbixin ka siiyay dib u dhiska iyo adeegyada uu qaban doono maamulka isbitaalka .
Agaasimaha Qaybta dhismaha lagu sameeyay ee Isbitaalka laansareeeti Drs Faadumo Cabdi Macow ayaa waxaa ay ka codsatay Hay,adaha iyo shirkadaha Ganacsiga in ay qayb ka qaataan daryelka dadka dhimirka la.
Gudoomiyaha degmada Cabdul Casiis Cusmaan Muxidiin Cali Cariif oo isna ka hadlay furitaanka Isbitaalka Laansareeti qaybtiisa Dhimirka ayaa waxaa uu sheegay in maamul ahaan ay gacanweyn ka geysanayaan in isbitaalka uu shaqeeyo isla markaana ay diyaar u yihiin in dhinacyada amaanka iyo nadaafada ay gacanweyn ka geestaan .
Wasiir ku xigeeenka Wasaaradda Caafimaadka Xukuumadda Soomaaliya mudane Cusmaan Maxamed Cabdi Daalo oo gabagabadii ka hadlay ayaa waxaa uu sheegay in muhiimad weyn ay u tahay wasaaradda iyo guud ahaanba bulshada Soomaaliyeed in dib loo howlgaliyo 25 sanno ka dib isbitaalka laansareeeti waxaana uu ugu baaqay shirkadaha iyo hay,adaha in ay doorkooda ka qaataan.
“Sharafweyn waxaa inoo ah in aan ka soo qayb galno furitaanka Qaybta Dhimirka Isbitaalkii Laansareeti oo dib u dhis lagu sameeyay runtii mahad ayaan u celinayaa shirkadda Dahabshiil oo distay shirkadaha kalena waxaan leeyahay doorkiina qaatay oo bulshada adeeegyada loo qabanayo kaalin ka qaata”ayuu yiri Mudane Daalo.
