Safiirka Jamhuuriyadda Jabuuti u fadhiya dalka Soomaaliya Dayid Dubada Rooble ayaa maanta deeq uu soo dhiibay madaxweyne Ismaaciil Cumar Geelle waxa uu gaarsiiyey gabdho ogoon ah oo lagu xanaaneeyo xarun ku taala degmada Boondheere, iyadoo safiirka ay wehlinayeen wasiirada Warfaafinta iyo haween iyo mas’uuliyiin ka socday maamulka gobolka.
Mas’uuliyiintan ayaa marka hore kormeerey qololka ay jeeftaan gabdhahan agoonta ah si ay u ogaadaan xaalada nololeed oo ay ku sugan yihiin,waxana intaasi kadib lagu soo dhaweyey safiirka iyo mas’uuliyintii dowlada ee la socday hees carruurto ay ku muujinnayeen sida Jabuuti u garabtaagan tahay Soomaaliya.
Mudane Dayib Dubadda Rooble safiirka Jabuuti ee Soomaaliya ayaa sheegay in deeqdaan ay dowladda Jabuuti ugu talagashay in lagu caawiyo gabdhaha agoonta ah, isagoo tilmaamay in madaxweynaha dalka Jabuuti xilligii uu booqashada ku imaanayay magaalada Muqdisho oo amray in deeq la gaarsiiyo carruurtan agoonta ah.
Wasiirka Warfaafinta Dhaqanka iyo Dalxiiska Maxamed Cabdi Xayir (Mareeye) oo isna hadal kooban jeediyay ayaa balan qaaday inuu ka qayb qaadanayo ciida gabdhahaan agoonta ah golaha wasiiradana uu hor gayn doono marxalada carruurtaan.
“Anigu waxan balan qaadayaa in maalinta ciida aan ka dharjiyo hilib iyo Xalwad iyo Buskut sido kale waxan hor gayn doona golaha wasiirada xaaladda carruurta agoonta ah, waana balan qaadaynaa in hada kadib kafaala la aan aysan noqonin ayaan balan qaadaynaa”, ayuu yiri Wasiir maareeye.
Wasiirka haween iyo horumarinta xuquuqul insaanka Sahro Cali Samatar ayaa baaq u dirtay madaxda hada ku fadhisa kuraas waxayna xustay carruurta ku jirta xarumaha xanaanada iyo kuwa dhibaataysana ay yihiin mustaqbalka kuwii dalka hanan lahaa .
Tan iyo markii ay bilatay bisha barakeysan ee Ramadaan ayaa waxaa isa soo tarayay gargaarka la gaarsiinaayo dadka danta yar ee ku nool magaalada Muqdisho iyo goobaha kale ee ka baxsan.
Wasiir Ku-xigeenka Warfaafinta oo qaabilay Lataliyaha Safaaradda Mareykanka ee La-dagaalanka Argagixisada
Wasiir Ku-xigeenka Wasaaradda Warfaafinta, Dhaqanka iyo Dalxiiska ee Xukuumadda Federaalka Soomaaliya, ahna ku-simaha Wasiirka, Mudane Cabdiraxmaan Yuusuf Al-Cadaala, ayaa maanta...
