Tartan Cilmiyeedka bisha Ramadaan oo ay si wada jir ah u baahinayaan Radio Muqdisho iyo Telefishinka Qaranka Soomaaliyeed ee SNTV uuna taaba gelineyo sanadkii labaad Maamulka Gobolka Benaadir ayaa waxaa caawa tartan aad u xiiso badan oo ah kulankii kama dambeysta ah ee tartanka ku dhexmaray degmooyinka Yaaqshiid iyo Baydhabo oo ka kala tirsan Gobollada Banaadir iyo Baay, iyadoo labada dhinac ay muujiyeen dadaal iyo anshax wanaag inta uu tartanku socday.
Natiijada tartankii dhexmaray caawa tartamayaasha degmooyinka Yaaqshiid iyo Baydhabo waxey noqotay sidan:-
Yaaqshiid
Tartamayaasha Deegaanka Yaaqshiid sida xeerka barnaamijka tartan Cilmiyeedka bisha barakeysan ee Ramadaan uu dhigayo waxaa la weeydiiyey Todobo Su’aal, Su’aalihii todobada ahaa ee la waydiiyay, waxa ay si sax ah uga jawaabeen Saddex Su’aal, halka ay iska qaldeen Afar su’aal, Waxa ay si ka faa’iideysi u heleen Labo su’aal oo soo hareer martay tartamayaasha degmada Baydhabo, waxayna wadarta guud ee dhibcaha tartamayaasha degmada Yaaqshiid ay heleen noqoneysaa 10 dhibcood ( Toban dhibcood).
Baydhabo
Tartamayaasha Degmada Baydhabo waxaa iyana dhankooda la weydiiyey Todobo Su’aal, su’aallihii la weydiiyey waxay si sax ah uga jawaabeen Afar su’aal, halka ay iska qaldeen Saddex su’aal, mana jirin wax ka faa’iideysi ah oo ay heleen, waxaana wadarta guud ee tartamayaasha degmada Baydhabo ka dhigeysaa inay heleen 8 dhibcood (Sideed dhibcood).
Hadaba kulankii 28aad ee tartan Cilmiyeedka bisha Ramadaan ee Warbaahinta Qaranka ahaana kii ugu dambeeyay waxaa caawa ku guuleystay tartamayaasha Degmada Yaaqshiid ee gobolka Banaadir, ayadoo gebagebadii ay labada tartame isugu hambalyeeyeen guushaasi.
Tartan cilmiyeedkii waxaa kaalinta koowaad gashay Tartamayaasha degmada Yaaqshiid, halka labaad ay gashay Baydhabo, waxaana kaalinta saddexaad soo gashay tartamaayasha degmada Jawiil ee gobolka Hiiraan, sida uu ku dhawaaqay Cali Deeq oo ka mid ah guddiga tartan cilmiyeedka Warbaahita Qaranka.
Sawir Qaade:- Farxaan Suleymaan Daahir (Maasgaro)
