Carruurtaan Agoonta ah ee kunool Degmada Boondheere ee Gobolka Banaadir ayaa Maanta waxaa loo qaybiyay Deeq Raashin ah taas oo la doonayo in ay qayb ka Noqoto deeqaha lagu caawinayo Agoonta Daryeel la’aanta haysata.
Raashiinkaan loo qaybiyay Carruurtaan oo ku dhow 20 qoys Carruurtooda ayaa Isugu Jiray, Bariis, Saliid iyo Nuucyo kamid ah Cunnada quutul daruuriga ah taasi Oo loogu tala galay in lagu kaabo nolosha qoysaskaasi haysta Carruurta Agoonta Ah, iyadoo Deeqdaas ay gaarsiisay Carruurtaasi Agoonta ah Hay’ad ka shaqaysa Arrimaha Carruurta iyo dhallaanka.
Wakiilka hay’addaasi ka shaqaysa Arrimaha Carruurta iyo dhallaanka Maxamed Ibraahim Gacan ayaa sheegey in loogu tala galay deeqdaan in lagu kaabo nolosha Carruurtaasi oo aan haysan wax nolol ah.
Qaar kamid ah waalidiinta Carruurtaan Agoonta ah ayaa ka mahad celiyay sida wanaagsan ee mucaawinadaan loo soo gaarsiiyay iyagoo sheegey in wax badan ka Taridoonto Noloshooda.
Magaalada Muqdisho waxaa kunool Carruur Aad u farabadan oo Agoon ah kuwaa soon haysan wax daryeel ah balse waxaa jira dad iyo Ururro bulsho oo inta badan Caawiya Qoysaska haysta Carruurta Agoonta ah iyo kuwa danyarta ah.
