Hay’ada Wadahadalka bulshada ee CCD ayaa maanta dhar u qeybisay Carruur horay darbijiif u ahaa oo hada lagu xanaaneeyo waxna lagu baro xarun ay dhawaan Marwada Madaxweynaha dalka Zahra Cumar Xasan ka hirgalisay Degmada Cabdicasiis ee Gobolka Banaadir waxaana munsaabada Caruurtaasi dharka loogu qeybinayay goobjoog ka ahyed Wasiir ku xigeenka Haweenka iyo Xuquuqda Aadanaha Muumino Sheekh Cumar.
Guddoomiyaha Hay’ada CCD Ciise Axmed Cumar oo markii ay carruurta dharka u qeybiyeen kaddib la hadlay warnaahinta Qaranka ayaa u mahadceliyay Marwada Madaxweynaha oo Xaruntan furtay isagoona sidoo kale ku baaqay in laga wada qeyb qaato caawinta iyo xanaaneynta Carruurtaasi darbi jiifka aha.
Wasiir ku xigeenka haweenka iyo Horumarinta Xuquuqul insaanka Muumino Sheekh Cumar oo la hadashay Warbaahinta Qaranka ayaa u mahadcelisay Hay’ada CCD waxayna intaasi kaddib shaacisay inay qorsheynayaan in Carruurtan darbi jiifka ahaa la baro farsamooyin ay ku shaqeysan karaan.
Xaruntan lagu xanaaneeyo waxna lagu baro Carruurta Darbijiifka ah oo Degmada Cabdicasiis ee Gobolka Banaadir dhawaan ay ka furtay Marwada Madaxweynaha dalka Saharo Cumar Xasan ayaa hadda waxaa ku nool 100-Carruur ah oo noloshooda ay soo wanaagsanaaneyso islamarkaana heysta qolal ay jiiftaan iyo fasalo ay wax ku bartaan intaba.
