Dadkii ku dhaawacmay Qaraxii toddobaadkii u dambeeyay ka dhacay afaafka hore ee Aqalka Madaxtooyada Villa Soomaaliya ayaa loo qaaday Maanta Waddanka Iskutagga Imaaraadka Carabta si loo daweeyo.
Taliyaha Ciidanka Boliiska Maxamed Sheekh Xasan Xaamuud ,
Wasiir ku xigeenka arrimaha dibadda Xukuumadda Soomaaliya Axmed Cali Kadiye,Wasiirka Caafimaadka Xaawo Xasan Maxamed iyo wasiirka Amniga Gudaha Cabdirisaaq Maxamed Cumar ayaa maanta Garoonka Diyaaradaha ku sii Sagootiyay dadkaas oo gaarayay 12 qof oo ka mid ahaa dadkii waxyeellada ka soo gaartay qaraxii Todobaad ka horka dhacay Magaalada Caasimadda ah ee Muqdisho.
Wasiirka Caafimaadka Xukuumadda federaalka Soomaaliya Xaawo Maxamed Xasan ayaa sheegtay in dadka maanta Imaaraadka looqaada ay a haayeen kuwii ugu darnaa ee ku dhaawacmay qarixii kooxda shabaab ay ka gaysteen Meel u Dhow Madaxtooyada Soomaaliya.
Taliyaha Ciidanka Boliiska Maxamed Sheekh Xasan Xaamuud ayaa aad ugu mahadceliyay Dowladda Imaaraadka carabta sida ay uga qayb qaadanayaan Dawaynta dadkaan iyo kaalintooda Muuqata.
Wasiirka Amniga Gudaha Xukuumadda Soomaaliya Cabdirisaaq Cumar Maxamed ayaa shacabka soomaaliyeed ugu baqay inay la shaqeeyaan Ciidamada Ammanka si looga hortago Falalka kooxda shabaab ay ka gaysanayaan Magaalada Casimadda ah ee Muqdisho
21 Bishaan ayay hayad markii kooxda Arxan laawayaasha ah ee Shabaab ay weerar Argagixisonimo ku qaadeen goob Aanan sidaa uga fogayn agagaarka Madaxtooyada Soomaaliya
Sawir Qaade farxaan Sulaymaan Daahir
