Ra’iisul wasaaraha Xukuumadda Federaalka ee Soomaaliya Mudane Cumar Cabdirashiid Cali iyo wafdi uu hogaaminayo oo gaaray magaaalada Baydhbo ee xarunta gobolka Bay ayaa kulan la qaatay Madaxweynaha Dowlad goboleedkada Koonfurgalbeed ee Soomaaliya Mudane Shariif Xasan Sheekh Aadan.
Wafdiga Ra’iisul wasaaraha Soomaaliya ayaa markii ay gareen garoonka diyaaradaha ee Baydhabo waxaa halkaas si diiran ugu soo dhaweeyay mas’uuliyiin ka tirsan maamulka Koonfurgalbeed, waxaana wafdiga ay u gudbeen xarunta Madaxtooyada.
Madaxweynaha Dowlad goboleedkada Koonfurgalbeed ee Soomaaliya Mudane Shariif Xasan Sheekh Aadan ayaa sheegay in uu aad ugu faraxsanyahay booqashada wafdiga Ra’iisul wasaaraha.
Ra’iisul wasaaraha Soomaaliya Mudane Cumar Cabdirashiid Cali Sharma’rke ayaa sheegay in socdaalka uu ku tegay Baydhabo ay la xiriirto sidi uu ula kulmi lahaa qeybaha bulshada, gaar ahaan odoyaasha dhaqanka ee soo xulaya baarlamaaanka dowlad goboleedka Koonfurgalbeed ee dalka.
