Siminaar Soconayo Mudo sedax maalmood ah oo looga arinsanayo sida ugu wanaagsan ee loo faa’ideysan karo kheyraadka dabiiciga ah ee dalkeena Soomaaliya,gaar ahaan batroolka ayaa maanta ka furmay magaalada Nairobi.
Siminaarkan oo ay soo qaban qaabisay dowlada Soomaaliya ayaa waxaa fududeynayo Bangiga Aduunka,iyadoo ay ka qeyb galayaan xubno ka socdo maamul goboleedyada ka jira dalka.
Siminaarkan ayaa waxaa furay wasiirka macdanta iyo batroolka ee xukumada Soomaaliya Maxamed Mukhtaar Ibraahim,isagoo furitaanka shirka ka jeediyay khudbad ku aadan kormeer ay wasaaradiisu ku soo sameeysay kheyraadka ku jiro dalkeena,gaar ahaan batroolka.
Wasiirka macdanta iyo batroolka ee xukuumada Soomaaliya ayaa sheegay in dalkeena uu leeyahay kheyraad fara badan loona baahanyahay in laga faa’ideysto.
Wasiir Maxamed Mukhtaar Ibraahim ayaa sheegay qodobka 44-aad ee dastuurka dalkeena uu dhigayo in dowalda dhexe iyo maamul goboleedyada dalka ay ka tashtaan ka faa’ideysiga kheyraadka dalkeena.
Wasiirka ayaa intaasiku daray in siminaarkan ay ka qeyb galayaan ilaa 30-qof oo la barayo sida loo maamulo loona wadaago kheyraadka dalkeena.
Sawir Qaade:-Hassan Omar Baffo
