Aqoon kororsigan oo socon doona mudo laba maalin ah ayaa waxaa iska kaashaday wasaaradda kaluumeysiga iyo kheyraadka badda Soomaaliya iyo hayโadda FAO ee dhinaca cunada iyo beeraha u qaabilsan Qaramada Midoobay. Micnaha eraygan FAD ayaa ah barnaamij loogu talo galay in lagu uruuriyo kaluunka noocyadiisa kala duwan aqoonisweydaarsiga lagu baran doono, waana shey la dhigo bada loona isticmaalo si ay u soo jiitaan kaluunka badda socda noocyadiisa kala duwan sida toonaha waxaana uu ka koobanyahay qalabkan booyado biyaha dushooda sabeynaya si uu kaluunka uga dhigto hoy ama gabaad waxaana qalabkan gabaad ka dhigta inka badan sedax boqol oo noocyada kaluunka ah.
Furitaanka aqoon isweydaarsigan ku saabsan fahamsiinta isticmaalka qalabka gabaadka kaluunka ayaa waxaa ka qeyb galay wasiirka kasluumeysiga iyo kheyraadka badda ee xukuumadda federaalka Soomaaliya ,wasiir ku xigeenka wasaaradaasi, ,agaasimaha guud ee wasaarada kaluuumeysiga , wasiirka kaluumeysiga ee maamulka koonfur galbeed soomaaliya iyo culimaaโudiin.
Related posts
Aqoon isweydaarsigaasi ayaa waxaa loo qabtay kaluumeysatada Magaaladda Muqdisho iyo shaqaalaha wasaarada kaluumeysiga iyo kheyraadka badda ee dowladda Soomaaliya , waxaana mudada uu socdo ka qeyb galayaasha lagu fahamsiin doonnaa isticmaalka qalabkan casriga ee la doonayo in kaluumeysatada Soomaaliyeed ay ku howlgalaan.
Xasan Maxamed Rooble oo ah guddoomiyaha iskaashatooyinka Soomaaliyeed iyo Xaaji Maki Aweys oo ka mid ah culimaaโudiinkii ka qeyb galay ayaa sheegay in hadii qalabkan sida saxda ah loogu faaโideysto uu qeyb ka qaadan doono kobaca dhaqaalaha dalka
Wasiirka Kaluumeysiga iyo Kheyraadka Badda ee Xukuumadda Federaalka Soomaaliya Mudane Maxamed Cumar Ceymooy ayaa sheegay in kaluumeysatada soomaaliyeed uu qalabkan wax badan oo dhinaca kaluumeysiga ah uu ka saacidi doono.
