Ilaa 42 arday oo isugu jira wiilal iyo gabdho bartayna maaddooyin ku saabsan culuunta diinta islaamka iyo luuqadda Carabiga ayaa la gudoonsiiyay Shahaaddooyin kadib munaasabad ka dhacday magaalada Galkacyo oo ay ka qeyb galeen mas’uuliyiin ka tirsan Galmudug waxgarad waalidiin aqoon yahano iyo marti sharaf’
Waxaa munaasabadda ka hadlay maamulaha machadka Al imaamu muzani Maxamed qadar Axmed Maxamed oo sharaxaad ka bixiyay tirada ardayda iyo waxyaabaha ay barteen
“Ardayda Maanta shahaadooyinka la gudoonsiinayo tiradoodu waaa 42 arday waxayna muddo afar sano ah baranayeen culuumta diinta islaamka iyo luuqada carabiga ilaaheey mahadiis waxay maanta nasiib u yeesheen in ay qaataan shahaadooyinkoodii kuwaasoo ah shahaadooyin ay aqoonsantahay wasaarada waxbarashada Dowlada Fadaraalka Soomaaliya” ayuu yiri maamulaha machadka.
Munaasabada oo intii ay socatay ay ka hadleen aqoonyahayno waalidiin iyo culuma udiin kuwaasoo dhamaantood ugu hambalyeeyay ardayda mudada afarta sano ah baranayay maaddooyinka la xariira culuumta diinta
islaamkaย ayaa waxaa gunaanadkii erayo isugu jira hambalyo iyo dhiirigalinย jeediyay duqa dagmada Galkacyo Xirsi Yuusuf Barreiyo gudoomiyaha Gobalka mudug C/rashiid Xaashi Caratan’
Duqa dagmada Galkacyo ee Dowlad Gobaleedka Galmudug Xirsi Yuusuf Barre ayaa ugu horeeyn u hambalyeey ardayda maanta shahaadooyinka la guddoonsiiyay isagoona sheegfay ineeyย muuqata horumara dhanka waxbarashada ah oo ka jirta magaalada Galkacyo.
Gudoomiyaha Gobalka Muug oo munaasabadaasi ka hadlay ayaa yiri “Anigoo ku hadlaya magaca gobalka iyo
keeygaba waxaan idin balan qaadeeynaa in aan gacan ka geysano horumarinta waxbarashada Galkacyo anagoo la kaashaneeyna maamulka dagmada Galkacyo”.
Machadka barashada culuumta diinta islaamka iyo luuqada carabiga ee Alimaamu Muzani ayaa la aas aasay sanadii 2009 waana machadkii ugu horeeyay ee laga yagleelo Galkacyo isla markaana lagu barto maadooyin la xariira cilmiga diinta islaamka iyo luuqada carabiga.
