Maxkamadda darajada koowaad ee ciidanka qalabka sida ee dalka, ayaa maanta lagu wadaa in ay dhageysato dacwad loo heysto ilaa shan nin oo lagu eedeeyay in ay ka dambeeyeen dilkii Allah u naxariistee Hindiyo Xaaji Maxamed, oo ka tirsaneyd warbaahinta qaranka.
C/casiis Maxamuud Guuleed, wariyaha warbaahinta qaranka oo ku sugan xarunta garsoorka dalka oo maxkamadeynta maanta ka ay ka dhici doonto ayaa soo sheegaya in maxkamadda ay ku sugan yihiin qareenada u doodaya eedeysanayaasha, eheladooda iyo dadweyne u yimid dhageysiga maxkamadda.
Raggan oo lagu eedeyay dilka Allah u naxariistee Hindiyo Xaaji Maxamed, ayaa waxaa gacata ku soo dhigay hey’adda nabad sugida iyo sirdoonka qaranka, ayagoo maanta ka soo hor muuqan doono cadaaladda horteeda.
