Kulan ay duubabka Dhaqanka iyo Haweenka Gobollada Hiiraan iyo Shabeelaha Dhexe ay ku yeesheen Jowhar ayay ugu wada hadleen sidii haweenku ay u heli lahaayeen 30% ergada iyo barlamaanka Labada, kaasi oo ay soo qaban qaabisay Wasaaradda Arrimaha gudaha iyo Federaalka Soomaaliya oo ay goobjoog ka ahaayeen Masโuuliyiin ka socotay
Kulanka intii u socday waxa lagu gorfeeyay dardar galinta shirka Maamul u sameynta iyo habka lagu soo xulayo Ergada u codeynaysa dastuurka ay yeelanayaan dowlad goboleedka loo dhisayo Hiiraan iyo Shabeelaha dhexe .
Haweenka ayaa duubabka dhaqanka waxa ay ka dalbadeen inay xaqiijiyaan qoondadooda oo ah 30% inay ku yeeshaan Baarlamaanka ย iyo xubnaha ergada labada gobol.
Duubabka dhaqanka ee labada gobol waxa ay muujiyeen inay diyaar yihiin qoondada Haweenka, loogana baahan yahay dhankooda inay ka shaqeeyaan sidii Dowlad Goboleedka dhidibada loogu taagi lahaa.
Xoghayaha Joogtada Wasaaradda Arimaha Gudaha Prof Yaxye Cali Ibraahim ayaa tilmaamy in haweenka ay muhiim u yihiin geedi socodka Siyaasadda dalka, ayna muhiimtahay in ay helaan qoondada ay ku leeyihiin, si loo muujiyo doorka haweenka.
โWaxaa nagu soo fool leh xulidii ergada shirka Mamul u sameynta Hiiraan iyo Shabeelaha Dhexe, Wasaaradda arrimaha Gudaha iyo Federaalka waxay masโuul ka tahay habkan , waxa ay rabtaa in haweenku door muuqdo ay ku lahaadaan maamul waliba inta dastuurka ku meel gaarka ah uu ogolyahay oo ah 30%, waxaan ka rajaynayaa duubabka oo leh soo xulida ergooyinka iyo Xildhibaanadaba inay arrintaas fududeeeyaanโayuu yiri Prof Yaxye Cali Ibraahim Xoghayaha joogtada ee Wasaaradda Arrimaha gudaha iyo Federaalka.
Maalmaha soo aadan ayaa la filayaa in ay bilawdaan soo xulista ergooyinka Shirka Maamul u sameynta.ย loona gudbo wajiyada ugu dambeya ee shirka
Cabdishakuur Cali Axmed Jowhar
