Munaasabadaan lagu weynaynayay maalinta dhallinyarada Soomaaliyeed ee 15-ka May, isla markaana oo uu soo qaban qaabiyay dhalinyarada maamulka Koonfur galbeed ayaa waxaa ka qeyb galay Wafdi uu hogaaminayay Ra’iisul Wasaare ku-xigeenka dalka Mudane Maxamed Cumar Carte, madaxweynaha Dowlad goboleedka Koonfurgalbeed Shariif Xasan Sheekh Aadan iyo mas’uuliyiin kale, kaasi oo xalay lagu qabtay magaalada Baydhabo.
Wasiirka Warfaafinta ee dowlad goboleedka Koonfur galbeed ee dalka Xasan Cabdi Maxamed ayaa sheegay inay ku faraxsanyihin wafdiga Ra’iisul wasaaraha ee kala qeyb galay xuska 15-ka May.
Wasiirka dhallinyarada ee Dowlad goboleedka Koonfur galbeed Cabdullaahi Fanax ayaa sheegay in dhalinyarada looga baahanyahay inay door ku yeeshaan hogaanka dalka.
Madaxweynaha Dowlad goboleedka Koonfur Galbeed ee Soomaaliya Mudane Shariif Xasan Sheekh Xasan ayaa tilmaamay in dhalinyarada looga baahanyahay inay ka hortagaan kuwa sida qaldan uga faa’iideysana.
Ra’iisul wasaar ku-xigeenka Xukuumadda Soomaaliya ayaa sheegay in dhibaatada ugu weyn ee heysata dhalinyarada ay tahay shaqo la’aan, ayna qorsheynayaan in loo helo fursado shaqo abuur ah.
Wafdiga Ra’iisul wasaare ku-xigeenka Mudane Maxamed Cumar Carte ayaa kormeer howleed ku tegay xarun Wasaaradda Qorsheynta Koonfur galbeeda ay dhisayso oo loogu talagalay in lagu qabto shirarka muhiimka ah.
